Buxoroda so‘nggi abituriyent hujjat topshirib, tug‘ruqxonaga qaytib ketdi

15 iyul kuni O‘zbekiston oliy ta’lim muassasalariga abituriyentlardan ariza qabul qilish jarayoni yakuniga yetdi (muddat uzaytirilishi mumkin, deyishgandi — uzaytirishmadi). Xususan, Buxoro davlat universitetida eng so‘nggi abituriyent 15 iyul kuni soat 23:58 da ro‘yxatdan o‘tkazilgan.

O‘sha so‘nggi abituriyent yosh ona bo‘lgan. «Hujjat topshirish uchun tug‘ruqxonadan chiqib kelibdi, chaqalog‘i-yu qaynonasi bilan. Topshirib, yana tug‘ruqxonaga qaytib ketibdi. Qarsaklar bilan kuzatib qo‘yishibdi qabuldagilar», deb yozadi @xushnudbek.

Oliy va o‘rta maxsus ta’lim vazirligi ma’lumotiga ko‘ra, 23:00—24:00 oralig‘ida Toshkent tibbiyot akademiyasi Termiz filialida, Toshkent farmasevtika institutida, Andijon davlat universitetida (https://t.me/eduuz/1026) ham eng so‘nggi abituriyentlardan arizalar qabul qilingan.