BRIKS mamlakatlari G‘azo sektoridagi vaziyat yuzasidan favqulodda videokonferensiya o‘tkazadi

BRIKSga a’zo davlatlar rahbarlari 21 noyabr kuni G‘azo sektoridagi vaziyat bo‘yicha favqulodda videokonferensiya o‘tkazadi.

Bu haqda Janubiy Afrika prezidenti Siril Ramafosa matbuot xizmati xabar berdi.

“BRIKS mamlakatlari – Braziliya, Rossiya, Hindiston va Xitoy yetakchilari JAR raisligida virtual formatda navbatdan tashqari yig‘ilish uchun yig‘iladi”, — deyiladi TASS xabarida.

Aniqlik kiritilishicha, uchrashuvga yangi BRIKS davlatlari – Saudiya Arabistoni, Argentina, Misr, Efiopiya, Eron va Birlashgan Arab Amirliklari rahbarlari ham taklif etiladi.

Suhbatda BMT Bosh kotibi Antoniu Guterrish ham ishtirok etadi.