Boshqirdiston biznes vakillari Toshkentga keladi

O‘zbekiston Savdo-sanoat palatasi mahalliy tadbirkorlarni Toshkentda 18 may kuni Rossiyaning Boshqirdiston Respublikasi biznes vakillari bilan bo‘lib o‘tishi rejalashtirilgan V2V uchrashuvga taklif qildi.

Tadbirda Boshqirdistonning kimyo-sanoati, bolt, shurup, o‘lchagich va tarozi mahsulotlari, yoritish moslamalari, elektrotexnika, to‘qimachilik, plastmassa buyumlar va oyna mahsulotlari ishlab chiqaruvchilari ishtirok etishadi.

Rossiyalik tadbirkorlar O‘zbekistonning metallurgiya korxonalari, temiryo‘l sohasida ishlovchi korxonalar tog‘-kon majmualari va boshqa sohalarda hamkorlikni yo‘lga qo‘yishni maqsad qilishgan.