Bolgariya rossiyaliklarga turistik vizalar berishda davom etayotgani haqida xabar berdi

"Elchixonada konsullik ishlamoqda, Rossiya fuqarolariga turistik vizalar berish to‘xtagani yo‘q. Ayni paytda texnik sabablarga ko‘ra biz noodatiy rejimda ishlayapmiz, xizmatlar ko‘rsatish muddati odatdagidan uzoqroq, biroq biz ishlayapmiz”, — deya ma’lum qildi TASSga elchixona.

Ularning qo‘shimcha qilishicha, mulk egalari uchun ham vizalar berish davom etmoqda.

5 avgust kuni Rossiya Turoperatorlari assosiasiyasi Bolgariya rossiyaliklarga turistik vizalar va mulk egalari uchun vizalar berishni noma’lum muddatga to‘xtatib qo‘yganini e’lon qildi va buni hozirgi favqulodda vaziyat bilan izohladi. Shuningdek, 5 avgust kuni Rossiya TIV Bolgariya diplomatik vakolatxonasi va konsullik idoralarining 14 nafar xodimini persona non grata deb e’lon qilgan edi.