BMW avtomobillar sotuvi bo‘yicha rekord o‘rnatdi
Germaniyaning BMW ishlab chiqaruvchisi avtomobillarining sotilishi joriy yilning birinchi choragida 2020 yilning shu davriga nisbatan 33,5 foizga o‘sdi.
Kompaniyaning bayonotida aytilishicha, bu rekord qiymat va o‘sish dunyoning barcha yirik mintaqalarida qayd etilgan. Bu uning barcha markalariga - BMW, MINI va Rolls-Roycega tegishli.
Xususan, Yevropada pandemiyaga qaramay, savdo hajmi 8 foizdan oshgan. Umuman olganda, yanvardan martgacha taxminan 637 ming dona avtomobil sotildi.
Kompaniyaning ta’kidlashicha, iste’molchilarning yuqori talablari BMW kompaniyasining uzoq muddatli strategiyasining to‘g‘riligini tasdiqlaydi. Shuningdek, ham gibrid, ham elektromobillar savdosi ikki baravarga oshgan - bu davrda ularning 70 mingdan ortig‘i sotilgan.