BMT: G‘azodagi urush tufayli bir milliondan ortiq odam o‘z uyini tark etdi

Mart oyi o‘rtalarida Isroil va HAMAS o‘rtasida o‘t ochishni to‘xtatish kelishuvi barbod bo‘lganidan beri G‘azo sektorida bir milliondan ortiq odam o‘z uyini tark etdi.

BMTning Gumanitar masalalarni muvofiqlashtirish boshqarmasi ma’lumotlariga ko‘ra, birgina sentyabr oyida G‘azo shahrining 250 mingdan ortiq aholisi uylarini va boshpanalarini tark etishga majbur bo‘lgan.

“Raqamlar tez sur’atlar bilan o‘sib bormoqda: o‘tgan oyning o‘zida G‘azo shimolidan G‘azo janubiga qariyb 200 ming kishi, shu jumladan, yakshanba kunidan beri 56 ming kishi ko‘chgan. Qattiq cheklovlarga qaramay, BMT va hamkorlar jabrlangan anklav aholisiga hayotiy yordam ko‘rsatish uchun barcha imkoniyatlarni ishga solmoqda”, deyiladi hisobotda.

Gumanitar masalalarni muvofiqlashtirish boshqarmasining ta’kidlashicha, hozirda G‘azo aholisi tomonidan olingan yordam ularning katta ehtiyojlaridan sezilarli darajada kam. Ochlikdan xalos bo‘lish muntazam ravishda bloklanadi, har hafta yangi cheklovlar qo‘yiladi.

Isroil rasmiylari, shuningdek, yeryong‘oq yog‘i kabi ba’zi oziq-ovqat mahsulotlarini “hashamatli tovarlar” qatoriga kiritib, ularning importini taqiqlab qo‘ydi va avval sotib olingan katta miqdordagi gumanitar yordamni anklav tashqarisida qoldirdi. Tashkilotning ta’kidlashicha, G‘azo ichidagi gumanitar transport ham to‘sib qo‘yilgan, deb xabar berdi report.az.