Bayden ma’muriyati rossiyaliklarni deportasiya qilishni «sokinlik bilan» qayta boshladi

Bayden ma’muriyati rossiyaliklarni deportasiya qilishni «sokinlik bilan» qayta boshladi, deb yozadi The Guardian.

Bir yil oldin protsedura to‘xtatilgan edi. Ammo bu hafta AQSh Immigrasiya va bojxona xizmati turli mamlakatlarga, jumladan Rossiyaga deportasiyalar davom etishini e’lon qildi.

The Guardian qayd etishicha, jarayon qachon qayta boshlangani ma’lum emas. Ularning so‘zlariga ko‘ra, shtatlarga qochib ketgan bir yigit allaqachon Rossiya Federasiyasiga yuborilgan.

Advokat Jennifer Skarboroning so‘zlariga ko‘ra, immigrasiya xizmati xodimlari uning harbiy xizmatdan bosh tortgani tufayli xavfsizligidan qo‘rqishini boshpana olish uchun yetarli asos emas deb hisoblagan.

Huquq himoyachisiga ko‘ra, yana ikki kishi elchixonada suhbatdan o‘ta olmagani uchun deportasiya tahdidi ostida. Ular shtatlarga Meksika orqali yetib kelishdi.