AQShda kuchli tornado qurbonlari soni 40 kishiga yetdi

AQShning markaziy va janubiy shtatlarida tornadolar va kuchli shamollar ko‘plab odamlarning hayotiga zomin bo‘ldi va binolarni vayron qildi. 12 kishi halok bo‘lgan tabiiy ofatdan ayniqsa Missuri shtati aholisi qattiq jabr ko‘rdi, deb xabar beradi BBC.

Kanzasdagi chang bo‘roni 50 ta avtomobilning to‘qnashuviga sabab bo‘ldi, 7 kishi halok bo‘ldi. Texasdagi avtohalokatda 4 kishi halok bo‘ldi. Oklaxomada 150 ta o‘rmon yong‘inlari sodir bo‘ldi, natijada yana to‘rt kishi halok bo‘ldi va 690 kvadrat kilometr maydon yondi. Missisipi shtatida to‘rt kishi, Arkanzasda yana uch kishi va Alabamada yana uch kishi halok bo‘ldi.

Rasmiylar kuchli shamol, tornado va chaqmoq chaqishi mumkinligidan ogohlantirdi. Beshta shtatda 250 dan ortiq uy elektr ta’minotisiz qolgan.

Bir qator tumanlarda favqulodda holat e’lon qilingan. AQSh prezidenti Donald Tramp jabrlangan hududlarga Milliy gvardiyani joylashtirdi.