Alla Pugachyovaning sobiq eri koronavirusdan vafot etgani aytilmoqda
Rossiyalik kinorejissyor va ssenarist Aleksandr Stefanovich 76 yoshida vafot etdi.
Baza telegram kanali ma’lumotlariga ko‘ra, yaqinda estrada xonandasi Alla Pugachyovaning sobiq eri koronavirus tufayli o‘pkasiga katta shikast yetgan holda aka-uka Baxrusinlar shahar klinik kasalxonasida reanimasiyada yotgan.
5 iyul kuni Aleksandr Stefanovich koronavirus bilan kasalxonaga yotqizilgani haqida xabar berilgandi. Keyinchalik, RIA Novosti bilan suhbatda u ushbu ma’lumotni rad etdi va o‘tkir nafas yo‘llari infeksiyalari tufayli tekshirilayotganligini aytdi.
Aleksandr Stefanovich hujjatli va badiiy filmlarning muallifi sifatida ham tanilgan. 1977 yildan 1981 yilgacha u Alla Pugachyova bilan turmush qurgan. 2010 yilda u "Do‘stlik" ordeni bilan taqdirlandi.
