360° kuzatuvga ega patrul mashinasi qanday ishlaydi?

Ushbu maxsus avtomobil 12 turdagi qoidabuzarliklarni aniqlaydi.

Shu yilning 20 mayidan boshlab yo‘l harakati xavfsizligi xizmati avtomashinalariga 360° ko‘rish burchagiga ega maxsus kameralar o‘rnatildi. Qurilmadagi sensor avtomobilni haydash va to‘xtash vaqtida qoidabuzarliklarni kuzatish imkonini beradi.

Qurilma Turkiyada ishlab chiqarilgan bo‘lib, bugungi kunda respublikaning barcha hududlarida mavjud. Toshkent viloyatining o‘zida ushbu moslamadan 6 tasi yo‘lga qo‘yilgan. Poytaxtda esa bunday avtomobil test rejimida ishlamoqda. Qurilmalar piyodalarni ham monitoring qiladi.

Bundan maqsad - respublika hududida YTHlarni oldini olish, qoidabuzarliklarga chek qo‘yish va harakatlanish xavfsizligini ta’minlash.

Qurilma to‘xtab turganda va harakat davomida ham quyidagi qoidabuzarliklarni aniqlaydi:

o‘zi bilan bir yo‘nalishda va qarama-qarshi yo‘nalishdagi transport vositalari haydovchilari tomonidan to‘xtash va to‘xtab turish;

harakatlanish tezligini me’yoridan oshirish;

svetoforning taqiqlovchi chirog‘iga amal qilmaslik (to‘xtash chizig‘ini bosish);

yo‘lning qarama-qarshi harakatlanish uchun mo‘ljallangan tomoniga yoki bo‘lagiga chiqishi;

yo‘lning qatnov qismidagi chiziqlar bilan belgilab qo‘yilgan talablarga rioya etmaslik;

yo‘nalishli transportlar harakati uchun mo‘ljallangan tasmalarga o‘tib harakatlanish yoki to‘xtash tartibi va ushbu tasmada belgilangan talablarni buzish;

davlat raqam belgisi orqali avtomobil qidiruvda yoki yo‘qligini aniqlaydi.