Японияда коронавирус тарқалиши рекорд даражага чиқди
Японияда коронавирус инфекциясининг янги ҳолатлари бўйича кунлик рекорд ўрнатилди. Чоршанба куни, мамлакатда COVID-19 кўпайиши - кунига 795 та янги ҳолат қайд этилди, бу апрель ойидаги кунлик максимал миқдордан ошиб кетди, деб хабар беради Kyodo.
Бугунги кунга қадар Японияда 27 800 га яқин одам коронавирус билан касалланган, шу жумладан, февраль ойида Иокогамада карантинга қўйилган Diamond Princess круиз кемасида 700 га яқин ҳолат қайд этилган.
Май ойининг охиридан бошлаб, Япония ҳукумати фавқулодда ҳолатни бутунлай бекор қилди, шундан сўнг янги ҳолатлар сони кўпайди.
Токио губернатори Юрико Коикэ аҳолини келгуси дам олиш кунлари кераксиз юришлардан тийилишга чақирди, чунки Токиода коронавирус билан касалланганларнинг умумий сони 10 мингдан ошди.
Шунингдек, чоршанба куни Япониянинг ғарбий қисмидаги Осака префектурасида 121 та янги ҳолатлар тасдиқлади, бу бир кунлик энг юқори кўрсаткичдир.
Токио яқинида жойлашган Саитама префектурасида ҳам чоршанба куни энг юқори кунлик 62 та ҳолат қайд этилди. Япония пойтахтига яқин жойлашган Тиба ва Канагава префектураларида ҳам фавқулодда ҳолат тугаганидан бери коронавирус инфекцияси тарқалишининг энг юқори кўрсаткичлари қайд этилди.
«Нима бўлишидан қатъи назар, биз инфекция тарқалишини тўхтатишимиз керак. Агар сиз уйингизни тарк етсангиз, мен фуқаролардан инфекциянинг олдини олиш учун эҳтиёткорлик чораларини кўришини сўрайман», деди Коикэ матбуот анжуманида.
«Бундан ташқари, мен ушбу ҳафта охирида дам олиш кунлари фуқаролар юришдан тийилишларини истайман. Биз инфекциянинг «иккинчи тўлқини»га тайёр бўлишимиз учун эҳтиёт бўлишимиз керак», деди губернатор.
Эслатиб ўтамиз, Токиода 24 январь куни биринчи вирус аниқланди.
