Янгийўлда фермер хўжалиги даласидан 1 кило марихуана топилди

Жиноят / Юртимизда
A A A
Янгийўлда фермер хўжалиги даласидан 1 кило марихуана топилди

Гиёҳвандлик воситаларининг юртимизга яширинча олиб кирилиши ва ноқонуний айланмасига қарши божхона органлари томонидан тизимли тарзда кураш олиб  борилмоқда.

Тошкент вилояти божхона бошқармаси Контрабандага қарши курашиш ва божхона аудити бўлими ходимлари Давлат хавфсизлик хизмати Чегара қўшинлари ҳарбий хизматчилари билан ҳамкорликда ўтказган тезкор тадбир давомида гиёҳвандлик воситаларининг ноқонуний айланмаси билан боғлиқ яна бир қинғирлик фош бўлди.

Янгийўл тумани ҳудудида ўтказилган тезкор тадбир давомида, тумандаги фермер хўжалиги дала майдонларидан бири ўрнатилган тартибда кўздан кечирилганида, дала майдонининг четида ўт-ўланлар орасига оқ рангли полиэтилен қопга солиб, яшириб қўйилган ўзига хос ўткир ҳидли 1054,94 грамм “марихуана” гиёҳвандлик воситаси борлиги аниқланди.

Ҳозирда мазкур ҳолат юзасидан терговга қадар текширув ишлари олиб борилмоқда.

Киритилди: 19:04 05.04.2021. Ўқилди: 1785 марта. Фикрлар сони: 0 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!