"Хотиним билан адаштириб юборибман": ота ўз қизини мунтазам зўрлаб келгани маълум бўлди

"Остона" телеканали Уралскда юз берган даҳшатли воқеа ҳақида гапириб берди. У ерда ўз отаси қизини зўрлаган. Педофил ушланганда, у қизини хотини билан адаштириб юборганини айтган.

Жабрланганлар билан ишлайдиган психологларнинг айтишича, бундай жиноятлар, афсуски, камаймаяпти. Қоида тариқасида, болалар ҳатто энг яқин одамларнинг ёрдамига ҳам ишонмайдилар.

"Жинсий дахлсизлик соҳасида 30 фоизга ўсиш кузатилмоқда. Яқинда биз вояга етмаганга нисбатан жиноят ишини рўйхатга олдик, у ерда отаси узоқ вақт ўз қизига қарши жинсий хатти-ҳаракатларни амалга оширган", дейди Уралск ўсмирлар полицияси катта инспектори Мадина Қуспанова.

Зўравонлик қурбонлари келажакда психологик муаммоларга дуч келишади, дейди мутахассислар. Энг оғир ҳолатда бу шизофренияга олиб келиши мумкин.

Зўравонликка дуч келганда, болалар уйдан қочишади ёки ўз жонига қасд қилишади. Aгар ўтган йили вилоятда бир киши ўз жонига қасд қилган бўлса, бу йил 15 ўсмир ўз жонига қасд қилишга уринган. Икки киши ҳаётдан кўз юмган.