Ўзини ўзи мустақил деб эълон қилган ДХРда ўлим жазосига ҳукм қилинган уч нафар хорижлик ҳозир озодликда
Ўзини ўзи мустақил деб эълон қилган ДХРда ўлим жазосига ҳукм қилинган уч нафар хорижлик ҳозир озодликда, деб хабар беради BBC News.
Нашр Саудия давлат ахборот агентлигининг Twitter'ига таяниб хабар берди: аккаунтда Украина томонида жанг қилиш учун борган ва асирга олинган 10 киши самолётдан тушиб, Саудия Арабистони расмийлари билан қўл бериб кўришгани акс этган видео чоп этилган.
Видеода — британияликлар Шон Пиннер ва Эйден Аслин, шунингдек, Марокаш фуқароси Саадун Браҳим бор.
Эслатиб ўтамиз, бу уч киши апрель ойида қўлга олинган ва ДХР суди томонидан ўлимга ҳукм қилинган эди.
Буюк Британия бош вазири Лиз Трасс аввалроқ маҳбуслар Саудия Арабистони валиаҳд шаҳзодаси воситачилигида озод этилганини хабар қилган эди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
