Улуғнор туманида ҳамшираларнинг пулини қўлга киритган координатор аниқланди

Бош прокуратура ҳузуридаги Департаментнинг Улуғнор туман бўлими томонидан ўтказилган терговга қадар текширувда, туман тиббиёт бирлашмаси координатори Н.Э. жорий йилнинг ноябрь ойида бирлашмага қарашли оилавий поликлиника ва оилавий шифокорлик пунктларининг 9 нафар ходимининг кўрсаткич рейтинг баллари пастлаб кетганлиги, уларнинг рейтинг балларини вилоят соғлиқни сақлаш бошқармаси орқали кўтариб бериш эвазига жами 11,4 млн сўмини фирибгарлик йўли билан қўлга киритганлиги аниқланган.

Мазкур ҳолат юзасидан Жиноят кодексининг 168-моддаси (фирибгарлик) билан жиноят иши қўзғатилиб, тергов ҳаракатлари ўтказилмоқда.