Тошкентда йирик тикувчилик цехи ёниб кетди

Тошкент шаҳар Ёнғин хавфсизлиги бошқармаси хабарига кўра, 2019 йил 14 сентябрь куни соат 08:57да, Учтепа тумани, Катта Хирмонтепа кўчаси 3а-уйда жойлашган, “Шамс Осиё Оригинал” МЧЖга қарашли тикувчилик цехида 400 кв.м. майдони ёнган.

Ёнғин ўчириш жанговар бўлинмалари чақирилган манзилга соат 09:03да етиб борган ва кўрилган тезкор чора ва ҳаракатлар натижасида ёнғин соат 09:25да қуршаб олиниб, соат 09:33да бартараф этилган.

Ёнғин электр симларни қисқа туташуви оқибатида содир бўлган деб, тахмин қилинмоқда.

Ёнғиндан келтирилган моддий зарар миқдори аниқланмоқда. Ёнғин жойига 8 та ёнғин ўчириш техникаси жалб қилинган.

ШУ куни соат 12:46да, Юнусобод тумани, Боғишамол кўчаси 260а-уйда жойлашган, “Шарқ Латиф” Оилавий корхонасига қарашли қурилиш молларини сақлаш омборхонасининг 200 кв.м. майдони ҳам ёнган.

Ёнғин ўчириш жанговар бўлинмалари чақирилган манзилга соат 12:53да етиб борган ва кўрилган тезкор чора ва ҳаракатлар натижасида ёнғин соат 13:13да қуршаб олиниб, соат 13:31да бартараф этилган.

Ёнғин пайвандлаш ишларини олиб боришда ёнғин хавфсизлиги қоидалари бузилиши оқибатида содир бўлган деб, тахмин қилинмоқда.

Ёнғиндан келтирилган моддий зарар миқдори аниқланмоқда. Ёнғин жойига 4 та ёнғин ўчириш техникаси жалб қилинган.