Тошкентда бухоролик эркакка куч ишлатиб, пулларини олиб қўйишди

Яқинда пойтахтимизнинг Учтепа туманидаги кўп қаватли уйларнинг бири олдида асли бухоролик Алишер Акбаровни (воқеа иштирокчиларининг исм-шарифлари ўзгартирилди) Чилонзор туманида истиқомат қилувчи Карим Норбеков, Умар Халилов ҳамда Дилшод Қосимовлар куч ишлатиш йўли билан қўрқитиб, унинг чўнтагидаги 100 АҚШ доллари ва 735 минг сўм пулларини олиб, “жуфтакни ростлаб қолишади”.

Шундан сўнг, жабрланувчининг ички ишлар органларига ёрдам сўраб қилган мурожаати асосида, зудлик билан ишга киришган осойишталик посбонлари дарҳол жиноятчиларни қўлга олиб, қонун ҳукмига ҳавола этишди.

Эндиликда, қилган айби учун уятдан боши эгилаётган бу кимсалар, албатта, қилмишига яраша жазо олиши шубҳасиз.