Тошкент ЙҲХБнинг Юнусободдаги рўйхатдан ўтказиш бўлими таъмирлаш учун вақтинча ёпилади
Тошкент шаҳар ИИББ ЙҲХБ нинг Юнусобод тумани О.Зокиров кўчаси 2-уйда жойлашган халқ тилида "Гвардейский" номи билан танилган рўйхатдан ўтказиш, имтиҳон олиш бўлими 8 июлдан вақтинча ёпилади. Бу ҳақда пойтахт ИИББ ЙҲХБ ахборот хизмати хабар берди.
Бунга бўлим жойлашган биноларда қурилиш ва қайта таъмирлаш ишлари бошланганлиги сабаб бўлади.
Фуқароларга хизмат кўрсатаётган Тошкент шаҳар ИИББ ЙҲХБ рўйхатдан ўтказиш ва имтиҳон олиш бўлимига қарашли бўлинмаларининг манзиллари:
Миробод тумани Бешкент кўчаси 43-уй (Файзобод)
Миробод тумани Водил кўчаси 53-уй (Узбум)
Чилонзор тумани Бунёдкор кўчаси 118 “а”-уй (Собир Раҳимов)
Сергели тумани Сергели автомашина бозори ҳудудида.
Матнда хатолик топсангиз, ўша хатони белгилаб, бизга жўнатинг (Ctrl + Enter).
