Таниқли қўшиқчининг отаси қизидан пул талаб қилмоқда

Машҳур америкалик қўшиқчи Бритни Спирснинг отаси Жейми судга ариза билан мурожаат қилиб, қизидан адвокатлар хизмати учун ҳақ тўлашни талаб қилди. Бу ҳақда People ёзмоқда.

Жейми Спирс шу тарзда унинг васийлиги тезроқ тугашига ишонтирмоқда.

“Жеймининг адвокатларига тўловларни зудлик билан тўлаш унинг васийлиги тез ва самарали якунланишини таъминлаш учун зарур, шунда Бритни ўз ҳаётини ўзи ва Жейми хоҳлагандек назорат қила олади”, — дейилади суд ҳужжатларида.

Бу баёнотни Бритнининг адвокати Метю Розенгарт аллақачон изоҳлаган. Унинг фикрича, Жейми Спирс бундай хатти-ҳаракатидан уялиши керак.

"Жаноб Спирс Бритнидан кўп миллионлаб доллар олди. Васийлик тугатилди ва жаноб Спирс шармандалик билан ишдан бўшатилди. Унинг аризаси нафақат қонуний асоссиз, балки шунчаки жирканчдир. Қизини севадиган ота бундай қилмаслиги керак", - деди адвокат.