Сувдан фойдаланиш муносабатлари такомиллашади ва бозор муносабатлари кенг жорий этилади
![Сувдан фойдаланиш муносабатлари такомиллашади ва бозор муносабатлари кенг жорий этилади Сувдан фойдаланиш муносабатлари такомиллашади ва бозор муносабатлари кенг жорий этилади](/photos/news/TvMTK37Hmu1Q2lh.jpeg)
Ялпи мажлисда “Ўзбекистон Республикасининг Сув кодексини тасдиқлаш тўғрисида”ги қонун лойиҳаси муҳокама қилинди.
Таъкидлаш керак, мазкур лойиҳа кеча партия фракцияси йиғилишида ҳам муҳокама қилинган эди. Олий Мажлисдаги тегишли қўмиталари билан ҳамкорликда ишлаб чиқилган қонун лойиҳасида иқтисодиётнинг барча тармоқлари ва атроф муҳитнинг сувга бўлган эҳтиёжини қондириш, сув ресурсларидан оқилона фойдаланиш, сув инфратузилмасининг ва суғориладиган ерларнинг мелиоратив ҳолатини яхшилаш каби масалалар қамраб олинган.
Мазкур қонун лойиҳаси билан сув ресурсларидан фойдаланиш самарадорлигини ошириш, давлат органларининг сувдан фойдаланиш соҳасидаги ваколатларини аниқ белгилаш, сув етказиб берувчилар ва сувдан фойдаланувчиларнинг масъулияти ошириш, мамлакатнинг сув хавфсизлигига эришиш, соҳага инвестицияларни жалб қилиш ва технологик модернизация қилишни рағбатлантириш мақсади кўзда тутилган.
Бундан ташқари, халқаро майдонда сув ҳуқуқи нормаларини миллий сув қонунчилигига сингдириш ҳамда Ўзбекистоннинг халқаро майдондаги ижобий имиджини яхшилашга хизмат қилади, шунингдек, сув хўжалигини узоқ муддатли ривожлантиришнинг ҳуқуқий асосларини яратади.
Мазкур қонун лойиҳаси депутатлар томонидан биринчи ўқишда қабул қилинди.