Сурхондарёлик аёл диабет касаллиги учун дори яратди

Шўрчи туманининг Шалдироқ маҳалласида туғилган Моҳира Алланазарова 2021 йил Қозоғистонда бўлиб ўтган «Энг яхши ёш олим - 2021» танловида 1-ўринни қўлга киритган.

Унинг тадқиқоти қандли диабет касаллиги билан оғриган беморлар учун дори яратишга қаратилган. Бу тадқиқот натижасида юртимизда ўсадиган қизилмия, топинамбур, зира, тиканли наъматак, арпабодиён, зарчова, занжабил, оқбош каби гиёҳ ва ўсимликлардан «Глюклеко плюс» капсуласи олинган.

Эндиликда у 40 ёшдан ошган аёллар учун дори яратиш устида иш олиб бормоқда.