Суперкомпьютер Евро—2024 ғолиблигига асосий номзодни аниқлади

Opta талқинига кўра Евро—2024 фаворитлари Испания ва Франция терма жамоалари бўлиб турибди.

Opta суперкомпьютери Луис де ла Фуэнте ва Дидье Дешам жамоаларининг турнирда ғолиб бўлиш имкониятларини 30 фоиздан баҳолади. Шунингдек, Испания ярим финалда рақибига нисбатан кичик устунлика эга бўлиб турибди — 51 га 49%.

Англиянинг имконияти 23%, Нидерландияники эса 17%. Инглизлар эса қарама-қаршиликда ҳам устунликка эга — 53 фоизга 47%.

Эслатиб ўтамиз, Испания ва Франция ўртасидаги ярим финал учрашуви 10 июль куни, Англия—Нидерландия баҳси эса 11 июль кунига белгиланган.

Ҳал қилувчи баҳс эса 14 июль куни бўлиб ўтади. Турнир финали Берлиндаги Олимпия стадионида бўлиб ўтади.