Шўрчида «Lacetti» 8 ёшли қизни уриб юборди
Сурхондарё вилояти Шўрчи туманида 22 сентябрь куни «Lacetti» 8 ёшли қизни уриб юборди. Бу ҳақда Йўл ҳаракати хавфсизлиги бош бошқармаси матбуот хизмати хабар берди.
Маълум бўлишича, воқеа Шўрчи тумани Совжиронбобо маҳалласи ҳудудидан ўтувчи М–41 автомобиль йўлининг 1513-километрида содир бўлган. Унда ҳайдовчи — 1983 йилда туғилган М.Э. «Lacetti» русумли автомобилида ҳаракатланаётиб, йўлни кесиб ўтаётган пиёдани уриб юборган.
Таъкидланишича, йўл-транспорт ҳодисасида жабрланган қиз 2013 йилда туғилган М.У. бўлган. У тан жароҳати билан ҳайдовчи томонидан шифохонага олиб борилган. Мазкур ҳодиса юзасидан суриштирувлар давомида транспорт воситаси вақтинча сақлаш учун жарима майдонига жойлаштирилган.
https://t.me/yhxbb_uz/12481