Россия Туркия билан парвозларни вақтинчалик тўхтатди

Туркия билан парвозлар 15 апрелдан 1 июнга қадар вақтинча тўхтатилади.

Шунингдек, Россия шу муддатга Танзания билан ҳам авиақатновларни бекор қилган.

Қайд этилишича, агар бу икки мамлакатда эпидемологик вазият барқарорлашса, парвозлар яна қайта тикланади.

Россиядан ташқари, Хитой ва бошқа мамлакатлар ҳам Туркия билан авиақатновларни вақтинча тўхтатишга қарор қилган.

Бунга коронавируснинг тез тарқалиши сабаб бўлган. Туркияда апрель бошидан буён бир кунда аниқланаётган касалланиш ҳолатлари рекорд ўрнатмоқда.

Агар 1 март куни мамлакатда 10 мингга яқин янги касалланиш ҳолати аниқланган бўлса, 7 апрелдан бу кўрсатгич 50 мингдан пастга тушмаяпти. Сўнгги ҳафтада Туркияда деярли 500 минг киши коронавирус юқтириб олган.