Роналду «Реал»дан кетганидан афсусдами?

«Ювентус» ҳужумчиси Криштиану Роналду «Реал»ни тарк этганидан афсусда эканини тан олган.

ABC хабарига кўра, 34 ёшли футболчи бу гапларни собиқ жамоадошлари билан бўлган суҳбатда айтган. Португалиялик тўпурар «Реал»дан кетмаганимда яна 2та «Олтин тўп»ни қўлга киритардим, деган маънода гапирган. Бундан ташқари, «Ювентус» ва Италия А Сериясининг савияси «Реал» ва Ла Лигадан паст эканини тан олган.

Эслатиб ўтамиз, Роналду 2018 йил ёзида 117 млн евро эвазига «Реал»дан «Ювентус»га ўтган эди. Мадридликлар таркибида у 438 та ўйинда майдонга тушиб, 450 та гол урди ва клуб тарихидаги энг яхши тўпурар бўлди.