МИБ: қидирувдаги юк машина топилди
Наманганда Бош прокуратура ҳузуридаги Мажбурий ижро бюроси вилоят бошқармаси қидирув шўъбаси ходимлари томонидан олиб борилган навбатдаги тадбирда қидирувдаги юк транспорт воситаси ғишт ишлаб чиқариш корхонасидан топилди.
Аниқланишича, қарздор фуқаро И.Қ. дан ундирувчи акциядорлик тижорат “Агробанк” филиали фойдасига 567,7 миллион сўм қарздорлик ундириш белгиланган. Қарздорлик гаровдаги юк “Shaanxi SX3254DR384” русумли транспорт воситасига қаратилган. Мазкур ижро варақаси бюронинг Тўрақўрғон тумани бўлими иш юритувига келган ва ҳаракатлар олиб борилган. Қарздорга ихтиёрий муддатда тўлашлиги учун имкон берилган. Аммо, бу орада қарздорлик бартараф этилмагани боис, юк транспортга қаратилган.
Орада юк транспорт манзилда бўлмайди ва қидирув эълон қилинади. Қарздорнинг МИБ органлари иш юритувига давлат, солиқ ва фуқаро фойдасига ундирув билан боғлиқ жами 2,1 миллиард сўмлик яна 12 та ижро варақаси келиб тушади. Мазкур қарздорликларни ундириш мақсадида фуқаро огоҳлантирилади.
Мажбуриятни ҳис этмаган қарздорнинг юк транспорт воситасига Янгиқўрғон туманида жойлашган ғишт ишлаб чиқариш корхонасидан топилди ва хатлаш чоралари кўрилди.
