Қандай қилиб? Ўлган аёлни бошқа аёлнинг номи билан дафн этишди

Демихов номидаги Москва касалхонасида кекса беморларни алмаштириб қўйишди, улардан бири вафот этди ва бошқа ном билан кўмилди.

"Маш" телеграм каналига кўра, 78 ёшли пенсионер Александра Шутко касалхонага ётқизилган, бир неча кундан кейин вафот этган. Шифокорлар уни бошқа бемор – Анна Артемова деб ўйлаб, Артемова ўлди, деган хулосага келишган, сўнг жасадни айнан Аннанинг қариндошларига топширишган. Марҳуманинг қариндошлари эса буни сезишмаган ва дафн қилишган.

Аммо ҳақиқий Анна Артемова бир неча кундан кейин тузалиб кетди ва уни Александра Шутконинг набираси уйига олиб кетган. Ҳодиса юзасидан текширув олиб борилмоқда.