Путин: Украина Курск атом станциясини нишонга олди
Россия президенти Владимир Путин Украинани Курск атом электр станциясига ҳужум қилишга уринганликда айблади.
Завод Курск вилоятининг Украина кучлари бостириб кирган қисмидан 50 километр узоқликда жойлашган.
Атом энергияси бўйича Халқаро агентлик (МАГАТE) раҳбари Рафаэл Гросси келаси ҳафта объектга ташриф буюришини айтганидан бир неча соат ўтиб, бу баёнот янгради.
«Душман тунда АЭСга зарба беришга уринди, бу ҳақда МАГАТEга маълум қилинди», — деди Путин ҳукуматнинг телевидениедаги мажлисида.
Кремль раҳбари ўз даъволарига ҳеч қандай далил келтирмади ва тахмин қилинган ҳужум ҳақида қўшимча маълумот бермади.
Россия кучлари Украинанинг Европадаги энг йирик Запорижжя атом электр станциясини Россиянинг кенг кўламли босқинини бошлаганидан кўп ўтмай босиб олган.
Бу ҳужум учинчи ҳафтадир ва Киев Россия чегарасидаги ўнлаб аҳоли пунктларига даъвогарлик қилмоқда. Путиннинг даъвосига Украинадан ҳеч қандай муносабат билдирилмаган.
