Путин солиқларни оширмоқчи
Владимир Путин шу ойда Россия Федерациясида “прогрессив солиқ”ни жорий этиш ғоясини илгари сурди. Таҳлилчи Леон Арон The Wall Street Journal нашридаги рукнида ёзганидек, россияликлар орасида кенг норозиликка сабаб бўлиши мумкин бўлган бу ғоя Украина билан уруш Москвани қийинлашаётган молиявий вазиятга дучор қилганининг энг ёрқин белгиларидан биридир.
Кремль хазинасига уруш кунига тахминан 300 миллион долларга тушмоқда. Путин ўтган йилги иқтисодий ўсиш 3,6 фоизни ташкил этгани билан мақтанди, бироқ бу, асосан, Кремлнинг ҳарбий-саноат мажмуасига киритилган триллионлаб рубллари билан боғлиқ. Бу ҳолат марказий банкнинг 16% фоиз ставкаси ва ёш ишчиларнинг ҳарбий хизматга, мудофаа ишларига ва муҳожирликка кетиши билан оғирлашган фуқаролик иқтисодиётини ортда қолдирди.
“Сўнгги ақчадон, қиймати 135 миллиард долларлик Давлат миллий бойлик жамғармаси бор-йўғи 58 миллиард долларлик ликвид активларга эга (доллар, акциялар ва облигациялар), қолганлари асосан Хитой валютаси ва олтинида. Ўтган йили Путин жамғармадан 38 миллиард доллар олиб чиққан эди. Яна бир шундай рейд уни хонавайрон қилиши мумкин”, – дейилади материалда.
“Ўз ҳукмронлигининг бошидан, қарийб чорак аср олдин, Путиннинг вакилликсиз солиққа тортиш версияси сохта вакиллик эвазига енгил солиққа тортиш бўлган. 2001 йилдан бери амалда бўлган 13 фоизлик ягона даромад солиғи ставкаси ўтган йили миллий бюджетининг атиги 6 фоизини ташкил этган. Даромад солиғи тушумларининг катта қисми ҳудудий ҳукуматларга тушади, уларнинг аксарияти қарзга ботган ва кундалик операциялар учун Москвага боғланган. Энди пул тақчиллиги провинцияларни талон-тарож қилган ҳолда, Кремлни молиявий бочканинг тубига қулашга мажбур қилмоқда”, – дея таъкидлайди таҳлилчи.
15% ва 20% лик янги ставкалар йиллик даромади 860 000 рубль ёки 9 500 доллардан бироз юқори бўлган 20 миллионга яқин русларга таъсир қилади. Россияда энг юқори иш ҳақи одатда сиёсий муаммолар юзага келадиган йирик шаҳарларда жамланган.
“Путин жамоатчиликни россиялик экспертлар “солиқ мобилизацияси” деб атайдиган нарсага тайёрламоқда. Ижтимоий тинчликни сақлаш ва Путин икки йилдан бери олиб бораётган уруш учун тўлов ўртасидаги нозик чизиқ янада торайди”, — дея қўшимча қилди эксперт.
