Нью-Йорклик фуқаро дрон технологиясини Россия компанияларига топширганини тан олди

Нью-Йорклик фуқаро АҚШнинг икки томонлама фойдаланиш технологияларини Россия компанияларига ноқонуний ўтказиш схемасини ташкил қилишда айбига иқрор бўлди.

Бу ҳақда АҚШ Адлия вазирлиги хабар бермоқда.

Материалда таъкидланганидек, Николай Григорев Бруклин федерал судида Россиянинг учувчисиз учоқларида қўлланилган икки томонлама электрон қурилмаларни ноқонуний экспорт қилиш бўйича фитна уюштирганликда айбини тан олди.

Аниқлик киритилишича, ушбу схема бўйича 250 минг доллардан ортиқ технология ўтказилган.

Григорев беш йиллик қамоқ жазосига ҳукм қилиниши мумкин.