Норвегия сувларида сув париси аниқланди
«Strange Videos» портали навбатдаги ғайриоддий тасвирни ўз саҳифасига жойлади. Бу ақлга сиғмас воқеани шунчаки фан билан ёритиб бўлмайди. Видеонинг энг эътибор тортадиган қисми ноодатий тузилишга эга бўлган думнинг ҳаракатланишидир. Балки, бу сув парисининг думдир.
Нима учун айнан сув парисининг думи, деган савол туғилади? Чунки дум анча катта бўлиб, на акула ва на делфинникига ўхшар эди. Бундан ташқари, шуни алоҳида таъкидлаш жоизки, видео сохта эмас. У ҳеч қандай 3Д форматда тасвирга олинмаган, сув тагида инсон ясама дум кийиб, уни теппага чиқариб, қимирлатиб турмаган. Агарда бу шунчаки шов-шув кўтариш учун керак бўлганда видео эгаси анчагина мукаммалроқ қилиб суратга олар бўларди. Кейин буни сохта эканлигини ҳатто оддий уй бекаси ҳам сезарди.
Ҳақиқий видеони топиш анча қийин кечди. Бу иш мувафаққиятли тугаганидан сўнг ундаги номаълум ҳайвон «Ғаройиб балиқ» номини олди.
