Nike Россияни тарк этмоқда

Американинг кийим-кечак ва пойабзал ишлаб чиқаришга ихтисослашган машҳур Nike компанияси Inventive Retail Group (IRG) билан франчайзинг битимини узайтирмади, деб ёзмоқда "Ведомости" газетаси.

“Бу, Nike компанияси келгусида Россияга маҳсулот етказиб беришни ташкил эта олмаслигини билдиради", – дейилади хабарда.

IRGнинг PR-директори "Ведомости" газетасига товар етказиб бериш тўхтатилганини тасдиқлаган. Бундан буён компаниянинг мазкур бренд билан ишлаётган дўконлари ёпилади.

Аниқлик киритилишича, IRG компанияси Nike товарлари сотиладиган 37 та нуқтага эга, айни пайтда уларнинг тўққизтаси ишламаяпти.

Хабарда келтирилишича, умуман, мартдан май ойигача Nike компаниясининг мамлакатдаги монобрендли дўконлари 116 тадан 56 тагача қисқарган.