Нигина Абдураимова чорак финал йўлланмаси учун кортга тушади

Франциянинг Лимож шаҳрида теннис бўйича аёллар ўртасида мукофот жамғармаси 125 минг АҚШ долларини ташкил этувчи халқаро турнир ўтказилмоқда.

Унда мамлакатимизнинг биринчи рақамли теннисчиси, ҳамюртимиз Нигина Абдураимова яккалик баҳсларининг илк босқичида швейцариялик Сюзан Бандеччига қарши кортга чиқди. Мазкур учрашувда теннисчимиз 6:4, 3:1 ҳисобида ғалаба қозонаётган вақтда Сюзан ўйинни давом эттиришдан бош тортди ва мағлубиятини тан олди.

Шу тариқа иккинчи босқичга йўл олган Н.Абдураимова чорак финал йўлланмаси учун дунё рейтингида 50-поғонада бораётган россиялик Анна Блинковага қарши ўйин ўтказади.