Аббосбек Файзуллаев РПЛда мавсум кашфиёти бўлишга даъвогарлар учлигига кирди

РПЛда “Мавсум кашфиёти” соврини учун Аббосбек Файзуллаев ва Бителло кураш олиб бормоқда.

РПЛда мавсум қаҳрамонлари аниқланмоқда.

“Мавсум кашфиёти” номинациясида 3 нафар номзод кўрсатилган.

Булар 20 ёшли Аббосбек Файзуллаев (ЦСКА), 24 ёшли Бителло ("Динамо") ва 19 ёшли Никита Салтиков ("Крилья Советов").

Танловнинг биринчи босқичида тингловчилар томонидан овоз бериш ўтказилди. Файзуллаев унда энг кўп овоз тўплади.

Мукофот ғолиби мураббийлар, жамоа сардорлари, шарҳловчилар ва Россия футболи фахрийларидан иборат махсус ҳайъат томонидан аниқланади.