Наманганда ўтказилаётган Халқаро гуллар фестивали доирасида оммавий ахборот воситалари учун матбуот анжумани ўтказилди
Мазкур фестивални кўтаринки шукуҳда ўтказиш, уни маҳаллий, марказий ва хорижий ОАВларида юқори савияда ёритиш ҳамда байрам тадбирларини кенг миқёсда тарғиб этиш бўйича матбуот анжумани ташкил этилди.
Ушбу анжуманни вилоят ҳокимининг матбуот котиби Фарҳод Мамадалиев олиб борди. Унда вилоят ҳокимининг ўринбосари Ботиржон Нуриддинов, Ўзбекистон журналистлари уюшмаси раҳбари Олимжон Ўсаров иштирок этиб, фестивал доирасида ўтказилиши режалаштирилган тадбирлар дастури ҳақида журналистларга батафсил маълумот бердилар.
Фестивал доирасида хориж ва маҳаллий гулчилар иштирокида маҳорат дарслари, сайллар, санъат усталарининг замонавий, креатив усулда саҳналаштирилган дастурлари, Фарғона водийси модалар ҳафталиги, Симфоник оркестр еонцерти, Рус академик драма театри спектакль намойишлари ва бошқа тадбирлар хақида ахборот берилиб, ОАВ вакиллари билан мулоқот ўтказилди, кўплаб саволларига жавоб берилди.
Матбуот анжумани давомида вилоятимизнинг бир қатор журналистларига Ўзбекистон журналистлари уюшмасининг ташаккурномаси ва уюшманинг аъзолик гувоҳномалари топширилди.
