Москва Россия нефти нархининг юқори чегарасини қабул қилмайди
Москва Россия нефти нархининг юқори чегарасини қабул қилмайди, деди Россия Федерацияси президенти матбуот котиби Дмитрий Песков.
Унинг сўзларига кўра, ушбу ҳолат ўрганиб чиқилмоқда, шундан сўнг расмийлар кейинги қарорлар ҳақида маълумот беришади.
Ўз навбатида, Россия Федерациясининг Вена халқаро ташкилотларидаги доимий вакили Михаил Улянов Россия энергия нархига юқори чегара жорий қилган мамлакатларга нефть етказиб беришдан бош тортишини эслатди. Аввалроқ, Россия Федерацияси ҳукумати раисининг ўринбосари Александр Новак ҳам бу ҳақда гапирган эди.
"Бу йилдан бошлаб Европа Россия нефтисиз яшайди. Москва бозорга қарши нархлар чегарасини қўллаб-қувватловчи мамлакатларга нефть етказиб бермаслигини аллақачон маълум қилган. Кутиб туринг, тез орада ЕИ Россияни нефтдан қурол сифатида фойдаланганликда айблайди", — деб ёзади Улянов Twitter саҳифасида.
