Москва Арманистонга қурол етказиб беришда ўз мажбуриятларини жуда жиддий қабул қилади

Россия Арманистонга аллақачон сотиб олинган қуролларни етказиб бериш бўйича ўз мажбуриятларини жуда жиддий қабул қилади ва томонлар бу йўналишда фаол ҳамкорлик қилмоқда. Бу ҳақда Россиянинг Арманистондаги элчиси Сергей Копиркин арман матбуотига берган интервьюсида маълум қилди.

"Биламан, Россия томони бу мажбуриятларни бажаришга жиддий ёндашади. Ҳа, маълум объектив қийинчиликлар бўлган, бу сиёсийлашган масала эмас. Ҳозир фаол алоқалар, ўзаро алоқалар, мавжуд шартномаларнинг барчаси кейинги икки йилда бажарилиши керак”, деди у.