Мияни қаритадиган хавфли омиллар аниқланди

Буюк Британиянинг Оксфорд университети олимлари мияни қаритадиган янги хавф омилларини аниқлашди.

Олимлар 45 ёшдан ошган 40 минг кишининг мия текшируви натижаларини таҳлил қилишди. Улар олдинги тадқиқотларда аниқланган 161 та деменция хавф омилларининг миянинг айниқса заиф жойларига таъсирини баҳолашди.

Хавф омиллари бир неча тоифаларга бўлинган: қон босими, холестерин, диабет, вазн, спиртли ичимликларни истеъмол қилиш, чекиш, депрессия, яллиғланиш, ифлослантирувчи моддаларга таъсир қилиш, эшитиш қобилияти билан боғлиқ муаммолар, уйқу, ижтимоийлашув, овқатланиш, жисмоний фаоллик ва таълим.

Маълум бўлишича, юрак-қон томир касалликлари, шизофрения, Альцгеймер ва Паркинсон касалликлари ривожланишида иштирок этувчи генларнинг етти кластери юқори тартибли ҳудудларнинг ёмонлашиши билан чамбарчас боғлиқ. Бундан ташқари, кам ўрганилган Xg қон гуруҳи тизимига тегишли иккита антиген билан боғлиқлиги аниқланди. Ҳозиргача ушбу қон гуруҳларининг клиник роли ноаниқ бўлиб қолди.

Мия учун энг зарарлиси қандли диабет ва алкоголизм билан боғлиқ бўлган генетик, шунингдек, кимёвий моддалар таъсирини модуллаштирадиган омиллар экани маълум бўлди, деб хабар беради lenta.ru.