Машҳур UFC файтери Коулманнинг уйи ёниб кетди, ўзи эса...
UFCнинг собиқ “жангчи”си Марк Коулманнинг Фремонтдаги (Огайо штати) уйи ёниб кетди, спортчи эса ота-оасини қутқаргач воқеа жойида ҳушини йўқотди.
Коулман кечаси итининг ҳуришидан уйғонган ва уйи қизил олов ичида қолганини пайқаган. Спортчи ота-онасини уйдан олиб чиқишга муваффақ бўлди, бироқ у итини қутқара олмади.
Sportexpress порталининг хабар беришича, ушбу воқеадан кейин 59 ёшли Коулман вертолётда шифохонага етказилган.
Коулман UFC 10 ва UFC 11 чемпиони, Pride Fighting Championships 2000 Гран-при чемпиони.
Эслатиб ўтамиз, Коулман номи UFC шон-шуҳрат залига киритилган.
Матнда хатолик топсангиз, ўша хатони белгилаб, бизга жўнатинг (Ctrl + Enter).