“Ла Ла Ленд” фильми юлдузи унаштирилганини маълум қилди

"Ла Ла Ленд" фильмидаги асосий аёл роли учун "Оскар" мукофотига сазовор бўлган актриса Эмма Стоун ўзининг "Инстаграм" даги саҳифасида продюсер ва режиссёр Дейв МакКарига турмушга чиқаётганлигини маълум қилди.

Уларнинг муносабатлари ҳақидаги миш-мишлар 2017 йилда пайдо бўлган ва расмий равишда 2019 йил январь ойида жуфтлик сифатида омма олдига чиқишган эди.

Маълумот ўрнида, 2017 йилда Эмма Стоун Форбес журналининг йиллик даромади 26 миллион доллар бўлган дунёдаги энг кўп маош оладиган актрисага айланди. “Ла Ла Ленд”дан ташқари, актриса "Янги ўргимчак одам" ва "Севимли" каби таниқли фильмлардаги роллар билан ҳам танилган.