«Корзинка» супермаркетлар тармоғи «Кундалик харидлар учун энг арзон нархлар» дастури тўғрисида баёнот берди

«Корзинка» супермаркетлар тармоғининг бош директори Руд Педерсен Рақобатни ривожлантириш ва истеъмолчилар ҳуқуқларини ҳимоя қилиш қўмитаси раҳбарияти билан учрашди ва 2024 йил май ойида бошланган «Кундалик харидлар учун энг арзон нархлар» кенг қамровли дастури юзасидан баёнот билан чиқиш қилди. Ушбу қадам вақтинчалик акция эмас, балки компаниянинг нархлар бўйича янги стратегияси ҳисобланади ва у кундалик харидлар учун товарлар саватига арзон нархларни шакллантиришга қаратилган.

Биз «Корзинка» супермаркетлар тармоғида доимо мижозларимизга энг яхши шароитлар, нархлар ва хизмат тақдим этишга интиламиз. 2024 йил май ойида Корзинка ўзининг нарх сиёсатини ўзгартириш ва мунтазам амалда бўладиган — «Кундалик харидлар учун энг арзон нархлар» дастурини яратиш йўлида стратегик қарор қабул қилди.

Истеъмолчиларга кундалик харидлар учун товарлар саватига барқарор арзон чакана нархларни бир жойнинг ўзида тақдим этиш тармоғимиз мақсадидир. Бу харидлар жараёнини осонлаштиради, қўшимча қулайлик яратади ва энг аввало, юртдошларимиз рўзғори учун молиявий босимни камайтиришга имкон беради.


Чапдан ўнгга: юридик хизмат бошлиғи ўринбосари Ойбек Мамарасулов, Маркетинг департаменти директори Малик Каримов, Бош директор Руд Педерсен, ташқи коммуникациялар бўлими бошлиғи Дониёр Расулов

«Энг арзон нарх» дастури вақтинчалик акциялардан фарқли ўлароқ, мунтазам ишга туширилган ва мазкур асосий товарларга нисбатан Компаниямиз томонидан устаманинг сезиларли камайтирилиши йўли билан харидорларимиз учун қўшимча қиймат яратишни кўзлайди. Биз ўзимиз учун стратегик — биринчи навбатда зарур товарларга энг арзон нархларни мунтазам асосда сақлаб туриш масъулиятини қабул қилдик.

Биз дўконларимизда энг паст нархларни белгилаш учун бозорларда, супермаркетларда ва бошқа чакана савдо нуқталаридаги нархларни мунтазам равишда кузатиб борамиз, шунингдек, товарларнинг сифати ва сақлаш шароитларига эътибор берамиз. «Энг арзон нарх» каталогида келтирилган товарлар саватчасига энг арзон нархлар белгиланади ва товарларнинг айрим турлари бўйича нархлар баъзан бозорнинг бошқа иштирокчилари билан тенг бўлиши ҳолатлари учраб туриши мумкин. Мониторинг давомида биз бошқа чакана савдо нуқталаридаги мунтазам чакана нархларга эътибор қаратамиз. Рақобатчиларнинг узоқ муддатли давомийликка эга бўлмаган, қисқа муддатли акциялари пайтида улар саватнинг маълум бир алоҳида товарлари бўйича биз билан бир поғонадан жой олишлари мумкин. Бироқ биз шуни қатъият билан маълум қиламизки, ушбу ижтимоий тўплам учун нарх бозорда энг яхшиси бўлиши учун зарур барча чораларни кўрамиз.

2024 йил 15 июлида Ўзбекистон Республикаси Рақобатни ривожлантириш ва истеъмолчилар ҳуқуқларини ҳимоя қилиш қўмитаси мазкур дастурда фойдаланилган реклама хабари сабабли компаниямизга нисбатан иш очилиши ҳақида маълум қилди. Шу ўринда биз очиқлик ва шаффофлик тамойилларимизга содиқ қолган ҳолда, жамоатчиликни тармоғимизнинг нархларни шакллантириш сиёсатидаги биринчи навбатда зарур бўлган ушбу маҳсулотларга нисбатан жиддий ўзгаришлар ҳақида хабардор қилганимизни таъкидлаб ўтишимиз жоиз.

16 июль санасида мазкур иш бўйича тинглов бўлиб ўтди ва биз зарур барча маълумотни Қўмитага тақдим этдик.

Мижозларимиз ва давлат билан мулоқотда биз учун ҳалоллик ва шаффофлик ниҳоятда муҳимлигини таъкидламоқчимиз. Биз қонунчиликни ҳурмат қиламиз ҳамда реклама, истеъмолчилар ҳуқуқларига оид барча меъёр, қоидаларга риоя қилишда собитқадаммиз ва ҳеч қандай қоидабузарликка йўл қўймадик, деб ҳисоблаймиз.

«Биз энг арзон нархлардаги товарлар танловини мунтазам асосда ва ҳар кун таклиф этамиз. Бу маҳаллий чакана савдо маданиятидаги мутлақо янгича ёндошув ҳисобланади ҳамда мижозларимиз ҳаётини нафақат осонроқ, балки қулайроқ, унумлироқ қилади. Ушбу ёндошув маҳаллий бозор учун янгилик эканлигини ҳисобга олиб, биз Қўмитада мазкур вазият бўйича саволлар вужудга келганини тушунишимиз мумкин ва ҳамкорликка очиқмиз, ҳам ўз позициямизни ойдинлаштириш, ҳам ижтимоий масъулиятларни зиммамизга олишдан хурсандмиз» — дея таъкидлади «Корзинка» супермаркетлар тармоғи бош директори Руд Педерсен.

Биз Корзинкада мижозларимизни энг арзон нархлардаги сифатли маҳсулотлар билан таъминлашга, аъло даражадаги қиймат таклифини яратишга интиламиз ва келажакда ҳам «Кундалик харидларга энг арзон нархлар» доимий дастури доирасида ушбу йўналишда ишлашда давом этамиз.

Қўшимча маълумот учун:

Матбуот хизмати
Дониёр Расулов
Телефон: +998 78 140 14 14
E-mail: пр@korzinka.uz

Компания ҳақида:

«Корзинка» — Ўзбекистондаги чакана савдо соҳаси етакчиси ҳисобланади. Компания 1996 йилда ташкил этилган бўлиб, айни пайтда мамлакатнинг 12 та ҳудудида 150 та дўконга эга, булар: Корзинка супермаркетлари, Корзинка Маҳалла неигҳборҳоод сторес шаклидаги дўконлар, уй яқинидаги Смарт дўконлари ҳамда Корзинка Бизнес улгуржи савдо дўкони, шунингдек, Корзинка Го онлайн супермаркетлар хизмати ва Корзинка Го маҳсулотларни сақлаш учун иккита дўкон-омборлари