Ким Чен Ин 2017 йилда кўнгилхушлик ва алкогол учун қанча сарфлаганини биласизми? Даҳшат!
Жанубий Корея парламенти депутати Юн Сан Хеннинг айтишича, 2017 йилда Шимолий Корея санкцияларга қарамай 640 миллион долларлик ҳашаматли буюмлар сотиб олган. Бу ҳақда «MK.ru» хабар бермоқда.
Хеннинг сўзларига кўра, ушбу харидларга Хитойдан импорт умумий ҳажмининг 17,8 фоизи тўғри келади. У 3,7 миллиард долларни ташкил қилади.
«Ким Чен Ин Хитой ва бошқа мамлакатларда гидросамолёт, қимматбаҳо мусиқа асбоблари, энг сўнгги телевизор тизимлари, автомобиллар, спиртли ичимликлар, соатлар, мўйнали маҳсулотларни сотиб олган», — дея таъкидлаб ўтди Хен.
Унинг қўшимча қилишича, ушбу харидларнинг аксарияти КХДР элитаси учун совғалар ҳисобланади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
