ЖССТ Ғазодаги саломатлик ҳолатини ҳалокатли деб атади
Жаҳон соғлиқни сақлаш ташкилоти (ЖССТ) раҳбари Тедрос Гебрейесус фавқулодда вазиятлар кенгаши йиғилишида Ғазо секторидаги саломатлик ҳолатини ҳалокатли деб атади. Бу ҳақда "Reuters" хабар бермоқда.
Унинг сўзларига кўра, ҳозир анклавдаги шароитлар ўлимга олиб келадиган касалликлар тарқалиши учун идеал.
"Умуман олганда, соғлиқни сақлашга бўлган эҳтиёж Ғазо секторида кескин ошди ва соғлиқни сақлаш тизимининг салоҳияти аввалгига нисбатан учдан бирига камайди", деди Гебрейесус.
Бундан олдин Гебрейесус Ғазо секторидаги гуманитар вазиятни тасвирлашга сўз йўқлигини айтганди.
2 декабрь куни ЖССТ гуруҳи Ғазо сектори жанубидаги Нассар касалхонасига ташриф буюрди. У ерда минг нафар бемор бор, бу рухсат этилган одам сонидан уч баробар кўп. Унинг сўзларига кўра, у ерда тиббий ёрдам кўрсатиш шароитларини тасаввур қилиб бўлмайди.
Европа Иттифоқи дипломатияси раҳбари Хосеп Боррел Барселонадаги Ўрта ер денгизи форуми иттифоқининг йиғилишидан сўнг Фаластин-Исроил можаро зонасидаги вазият ҳақида гапирар экан, эртага мавжуд бўлмаганларга гуманитар ёрдам кўрсатишни маъносиз деб атади.
