Исроил Ғазо секторида урушнинг энг оғир босқичига ўтмоқда — The Wall Street Journal

Исроил ўзининг ҳарбий кампаниясини Ғазо секторининг жанубига қаратмоқда, у ерда олти ҳафталик урушнинг энг оғир босқичи бошланиши кутиляпти, дейилади WSJ нашр этган мақолада. Унга кўра, гуманитар инқироз чуқурлашиб бораётган бугунги даврда Исроил армияси бор эътиборини ҲАМАСни тўлиқ мағлуб этиш ҳамда гаровга олинганларни қайтаришга қаратган.

“Исроил Ғазонинг шимолий қисмини назоратга олишга муваффақ бўлди, аммо улар ҲАМАСнинг ҳарбий салоҳиятининг бир қисминигина йўқ қила олдилар, холос. Исроилнинг ҲАМАС етакчиларини қўлга олиш ёки йўқ қилиш режаси кутилган натижани бермади, аммо улар шу мақсад сари ҳаракат қилмоқда”, дея фикр билдирган юқори мартабали исроиллик амалдор ва таҳлилчилар нашр билан суҳбатда.