Иллинойсда отишмалар: 6 киши жароҳатланган
Иллинойс штатининг Сент-Луис шаҳрида содир бўлган отишмадан сўнг олти киши касалхонага ётқизилди. Бу ҳақда бугун, 10 сентябрь куни NBC телеканалининг маҳаллий бўлими маълум қилган.
Хабарга кўра, кеча оқшом полицияга отишма натижасида 12 киши жароҳат олгани ҳақида хабар келган, бироқ қурбонларнинг аниқ сони ва ҳодисанинг сабаблари ҳозирча номаълум. Телеканал ярадорлар касалхонага ётқизилгани ҳақида хабар берган.
Қайд этилишича, ўша жойда метро поезди ва автомобиль тўқнашуви содир бўлган, аммо ҳуқуқ-тартибот идоралари бу ҳодиса отишма билан боғлиқлигини ҳозирча билмайди. Fox News маҳаллий бўлимига кўра, полиция олти гумондорни қидирмоқда.
Ўтган дам олиш кунлари Қўшма Штатларда отишма натижасида 13 киши яраланган, уч киши ҳалок бўлган. Нью-Йоркда учта, Вашингтонда битта отишма ҳодисаси рўй берган. Бундан ташқари, иккинчи ҳолатда, номаълум жиноятчилар машинадан йўловчиларга ўқ узиб, кейин қочиб кетишган. Якшанба куни Миссури штатида маданият ва тарих фестивалида отишма пайтида 4 нафар вояга етмаган бола яраланган.
