Ҳомиланинг жинси кимга боғлиқ: отагами ёки онагами?

Қуръони карим ҳомиланинг жинси  эркак ёки аёл бўлиши кимга боғлиқлигини белгилаб берган биринчи китобдир.

Қуръон нозил қилинган вақтда ҳомила жинси эр ёки аёл бўлишининг масъулияти аёл тарафдан эканлиги ҳақидаги эътиқод ҳукмрон эди, аммо илм-фан бизга аёлларнинг боланинг жинсини белгилаш билан ҳеч қандай алоқаси йўқлигини айтади.

Қайси ота ёки она туғилажак фарзандининг жинси билишни истамайди? Олимлар эмбриология фанини ривожланиши ва ҳомиладорлик, туғиш ва ҳомила ривожланиши жараёнининг сирларини кашф этиши, унинг турини ва ушбу жараёнлар қандай аниқлик билан амалга оширилишини билиш учун замонавий илм-фан даври келгунига қадар бу билим афсона ва башоратларга боғлиқ бўлиб қолган эди.

Ва ниҳоят, ҳомиланинг жинси учун жавобгар эркакнинг манийси эканлиги, аёлдаги суюқликнинг бунга ҳеч қандай таъсир кўрсатмаслиги аниқланди.  

Эркакнинг спермасида ҳам эрлик, ҳам аёллик хусусияти бор, аёлнинг тухумида эса ҳар доим аёлликдан бошқа нарса бўлмайди.  Яъни, эркак нутфаси эркак ва аёллик хусусиятини ўз ичига олади, аёл нутфаси эса фақатгина аёллик хусусиятини.

Шунинг учун, эркакнинг спермаси аёлнинг тухумига дуч келиб, уни уруғлантирганда, ҳомила жинси ушбу сперма нима кўтаришига қараб белгиланади ва бизда бу ҳолатда иккита имконият мавжуд:

1. урғочи тухуми бўлган эркак сперма – эркак.

2. урғочи тухуми бўлган урғочи сперма – аёл.

Биз бу ерда икки илмий ҳақиқатни топамиз, биринчиси манийнинг барчасидан эмас, балки биргина  (ўта кичик ҳажмдаги) нутфа билан комил бўлади. Иккинчиси эса, ушбу нутфа ҳомилани ўғил ёки қизлигини аниқлаб беради.

Аллоҳнинг китоби мўъжизавий китобдир. Ушбу китобдаги ажаблантирадиган нарса, бу икки далил ҳақида аниқ сўзланганидир.

Аллоҳ таоло марҳамат этади: 

«Албатта, икки жуфтни; эркак ва аёлни яратган ҳам Ўзи.

Нутфадан, оқиб тушганда».

(Нажм, 45-46).

Оятга мувофиқ Аллоҳ таоло эркак ва аёлни эр нутфасидан яратганлиги маълум бўлди.

Аллоҳ таолонинг инсонларга қилган хитобида такрорланган  ҳақиқатни топамиз:

«Сўнг алақа бўлди. Бас бекаму-кўст этиб яратди.

Бас ундан жуфтни - эркак ва аёлни яратди».

(Қиёмат, 38-39).  

Аллоҳ таоло: 

«Бас ундан жуфтни – эркак ва аёлни яратди», дея марҳамат қилган.  Ояти каримадаги "минҳу" – "ундан" ("минҳа", "ундан" калимасининг муаннас, аёлликга далолат этувчи сийғаси) калимаси музаккар бўлиб, эркакликни ифодалайди. 

Бу эркак ва унинг спермасининг ҳомиланинг жинсини белгилашга боғлиқ эканини кўрсатади.

Буни яқинда олимлар исботладилар ва Расулуллоҳ соллаллоҳу алайҳи васаллам даврида ҳеч ким бундан хабардор эмас эди.

“Эъжозул Қуръан” китобидан Суннатуллоҳ Абдулбосит таржимаси.

Manba: azon.uz