Ҳиндистонда қимматбаҳо тошлар экспорти кескин камайди

Ҳиндистоннинг олмос саноати маркази саналган Гужаротда сўнгги вақтларда қимматбаҳо тошлар экспорти кескин камайди, деб хабар қилди "Даракчи" нашри.

Экспертларнинг таъкидлашича, бунга АҚШ ва Хитой ўртасидаги савдо уруши сабаб бўлмоқда. Йил бошида АҚШ Хитойнинг барча товарларига божларни оширгани Хитой юанининг 18 фоиз пасайишига олиб келган. Бу эса, ўз навбатида, осиёлик олмос ҳаридорларинга ҳам таъсир кўрсатган. Хитойда валюта амортизацияси Ҳиндистон олмос саноатининг кескин тушиб кетишига олиб келмоқда.