Германиядаги НАТО базасида хавфсизлик чоралари кучайтирилди
НАТО жосус самолётлари жойлашган Германия ғарбидаги Гайленкирхен авиабазаси эҳтимолий таҳдид туфайли хавфсизлик чораларини кучайтирди.
«Биз потенциал таҳдидни кўрсатувчи разведка маълумотларига асосланиб, НАТОнинг Гайленкирхен ҳаво базасида хавфсизликни кучайтирдик», — дейилади база ижтимоий тармоқдаги Х постида.
Ўтган ҳафта Германиянинг Келндаги ҳарбий базаси водопровод сувининг ифлосланганлиги ва эҳтимолий қўпорувчилик гумонлари туфайли бир неча соатга ёпилган эди. Синов натижалари сувнинг ифлосланмаганлигини кўрсатди.
Шу билан бирга, НАТО Гайленкирхендаги базага суқилиб киришга уриниш ҳақида эълон қилди. Буни қилмоқчи бўлган шахс қўлга олинди. Бу икки ҳодиса ўртасидаги алоқа ўрнатилмаган.
Киевнинг асосий иттифоқчиси бўлган Германия Россиянинг Украинага кенг кўламли бостириб кириши бошланганидан сўнг қўпорувчилик ва ҳарбий нишонларга ҳужум қилиш учун юқори шай ҳолатда.
Апрель ойида Германия Россия фойдасига жосуслик қилиш ва украиналик ҳарбийлар тайёрланаётган объектларда қўпорувчилик тайёрлаганликда гумонланган икки кишини ҳибсга олди.
