Филиппинда "COVID-19"ни бошқаларга юқтириш қотиллик деб баҳоланади

Филиппин президенти Родриго Дутерте COVID-19 билан касалланганини билган ҳолда қоидаларни бузган ва бошқаларга юқтирган кишилар қотил сифатида баҳоланиши таклифини маъқуллади. Ушбу таклифни президентнинг ҳуқуқий маслаҳатчиси Сальвадор Панело билдирган эди.

“Коронавирус билан касалланганини билса-да кўчага чиққан ва бошқаларга юқтирган, оқибатда бошқаларнинг ўлимига сабабчи бўлиш атайин қотилликка қўл уриш, деб баҳоланиши керак ”- дея ҳисоблайди Панело. Филиппин раҳбари унинг фикрларини маъқуллади.

Worldometers халқаро статистика бюроси маълумотларига кўра, Филиппинда коронавирус билан касалланганларнинг умумий сони 1, 27 миллионни ташкил этади, шундан 1, 19 млн киши соғайган, 21,9 минг киши вафот этган.