Энг узун клип Гиннеснинг рекордлар китобидан жой олди

Энг узун клип Гиннеснинг рекордлар китобидан жой олди

Американинг машҳур "Twenty One Pilots" гуруҳининг "Level of Concern" қўшиғи учун ишланган мусиқий клип тарихдаги энг узун видео сифатида Гиннеснинг рекордлар китобига кирди.

Бу ҳақда гуруҳ Инстаграмдаги саҳифасида маълум қилди.

Маълумотларга кўра, видеоасар 178 кун давом этади.

Маълум қилинишича, гуруҳ жорий йилнинг ёз ойлари бошида мухлислар билан қўшма лойиҳа бошлашга қарор қилган ва унинг натижаси ўлароқ ҳар бир мухлис ўзларининг видеоклипларини дует сайтига юклашган.

Бу пайтда аниматорлар тинимсиз ижро этилаётган клип учун видеони доимий равишда янгилаб туришган. Натижада 162 мингдан ортиқ мухлислар видеолари тўпланган.

Қайд этилишича, узлуксиз трансляция кетма-кет 178 кун давом этган ва умумий давомийлиги 4264 соат 10 дақиқа 25 сония бўлиб, 16 декабрь куни тасодифан узилиб қолган.

Натижада, "Twenty One Pilots"  мусиқий клипи Фаррелл Уильямснинг 24 соатли "Бахтли" қўшиғини четлаб ўтиб, жаҳон рекордини янгилаган.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!